Pervez Musharraf vətənə xəyanətdə ittiham edilir

-
Pakistanın keçmiş prezidenti Pervez Musharraf vətənə xəyanətdə ittiham edilir.
Bazar ertəsi İslamabadda keçirilən məhkəmədə ona qarşı 5 ittiham səsləndirilib. İttihamlara əsasən, 2007-ci ildə Müşərrəf ölkədə fövqəladə vəziyyət rejimini elan etməklə öz səlahiyyətlərini xeyli genişləndirməkdə günahlandırılır. Sabiq prezident özünü günahkar hesab etmədiyini bildirib.
 
Pervez Musharraf 2008-ci ildə hakimiyyətdən geri çəkilib. Eks-prezident ötən il həbs edilib.