ATƏT Krımdakı referendumu "qanunsuz" adlandırdı

Krımda martın 16-da keçirilməsi nəzərdə tutulan referendum Ukrayna Konstitusiyasına ziddir və qanunsuz sayılmalıdır.

Bunu ATƏT-ə sədrlik edən İsveçrənin xarici işlər naziri Didier Burkhalter deyib.

ATƏT referendumu izləməyəcək. Burkhalter deyib ki, hansısa regionun statusu ilə bağlı məsələ kompleks səciyyə daşıyır və aylarla aparılan dialoqdan sonra reallaşdırıla bilər. Həm ölkə, həm də region səviyyəsində məsləhətləşmələrdən sonra. Bütün tərəflər prosesə cəlb edilməlidir ki, referendumun nəticələri gərginlik yaratmasın.