Keçid linkləri

2024, 11 May, şənbə, Bakı vaxtı 06:15

Tacikistanda rus familiya sonluqları yenidən dəbə minir


-

Tacikistanda “ov”, “yev” – rus soyad sonluqları yenidən yayılmağa başlayıb.

Cəmi bir neçə il əvvəl ölkənin prezidenti İmamoli Şarifoviç Rahmonov soyadındakı “ov”u, da atasının adına əlavə edilmiş “iç”i də atandan sonra xeyli sayda insan ondan nümunə götürmüşdü.

Bu günlərdəsə Tacikistanın baş prokuroru Şerxon Salimzoda yerli “Cümhuriyyət” qəzetinə yazdığı məqalədə rus soyad sonluqlarının yenidən dəbə minməsindən narahatlığını bildirib. Xüsusən də gənclər arasında.

Fikrini əsaslandırmaq üçün o, Tacikistanın 3 ən böyük ali məktəbindən götürdüyü statistikanı paylaşıb.

Yalnız 2 tələbə soyadından rus sonluğunun götürülməsini istəyib.

Salimzoda yazır ki, bunu etməyənlər “milli qürurdan məhrum olanlar”dır.

Amma bir çox taciklər bunun zərurət olduğunu deyirlər.

Ölkə əhalisinin 7 nəfərindən 1-i mütəmadi Rusiyaya gedib-gəlir. Əməkçi miqrant kimi.

Gənclər deyirlər ki, onların atalarının adları və soyadları rus üslubunda yazılanda həm sənədləşmə işlərində bürokratiya ilə daha az üzləşirlər, həm polislə problemləri daha az olur, həm də irqi zəmində təzyiqlərə, hücumlara daha az məruz qalırlar.

“Əgər Rusiyada yaşayırsansa, işləyirsənsə adının rus adı kimi səslənməsi işini asanlaşdırır” – deyə Hasan Sadulloev bildirir.

O, Tacikistan Milli Universitetinin tələbəsidir və yay tətilində Rusiyaya işləməyə gedir.

İki il əvvələ qədər onun adı rəsmən "Hasani Abdullo" idi, indisə, "Sadulloev Hasan Abdulloeviç"dir.

Baş prokurorun məqaləsindən sonra ölkənin kənd təsərrüfatı naziri Qosim Rahbaroviç Qosimov “ov”dan imtina üçün ərizə yazıb.

O bundan sonra “Qosim "Rohbar" olacaq…

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG