Keçid linkləri

2024, 29 Mart, Cümə, Bakı vaxtı 16:44

Minsk qrupu həmsədrləri bəyanat yayıb


Həmsədrlər Ermənistan və Azərbaycan xarici işlər nazirləri ilə görüş zamanı
Həmsədrlər Ermənistan və Azərbaycan xarici işlər nazirləri ilə görüş zamanı
-
ATƏT-in Minsk qrupunun həmsədrləri dekabrın 15-19-da regiona səfər edərək Dağlıq Qarabağ sülh prosesini müzakirə ediblər. Rusiya Federasiyasından Igor Popov, Fransadan Jacques Faure, ABŞ-dan James Warlick və ATƏT-in fəaliyyətdə olan sədrinin şəxsi nümayəndəsi Andrzej Kasprzyk bu barədə bəyanat yayıblar.
Həmsədrlər dekabrın 15-də Azərbaycan prezidenti İlham Əliyevlə, 16-da Ermənistanda prezident Sargsian-la görüşüblər. Dekabrın 17-də onlar Dağlıq Qarabağa gedərək de-fakto rəsmilərlə də görüşlər keçiriblər.
Sərhəddəki son gərginlik sülh perspektivlərinə zərbə vurur...
Prezidentlər və həmsədrlər noyabrın 19-da Vyanada keçirilən görüşün nəticələrini, dekabrın 4-5-də Kiyevdə xarici işlər nazirlərinin görüşünü müzakirə ediblər. Onlar bu danışıqların davamı olaraq 2014-cü ilin yanvarında səyləri davam etdirmək qətiyyətlərini bildiriblər. Həmsədrlər vurğulayıblar ki, sərhəddəki son gərginlik sülh perspektivlərinə zərbə vurur. Onlar tərəfləri gərginliyi artıracaq hərəkətlərdən çəkinməyə, danışıqlarda irəliləyişə gətirəcək ab-hava yaratmağa çağırıblar.
Həmsədrlər yanvarda İsveçrəyə səyahət edərək ATƏT-in növbəti fəaliyyətdə olan sədri ilə məsləhətləşmələr aparacaq. Bundan sonra isə xarici işlər nazirləri görüşüb növbəti samitə hazırlığı götür-qoy edəcəklər.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG