Keçid linkləri

2017, 22 Yanvar, bazar, Bakı vaxtı 07:47
-
Almaniyada yazıçı Timur Vermes-in «Er ist wieder dа» ( “O, qayıtdı”, Look Who's Back) romanı ekranlaşdırılır.

The Hollywood Reporter-in verdiyi xəbərə görə, komik, həm də fantastik romanın film ssenarisini yazıçı özü yazır.

Filmin prodüserləri Christoph Muller, Lars Dittrich, Martin Moszkowicz və Oliver Berben-dir.

Berliner Mythos Film və Constantin Film-in çəkdiyi ekran əsərinin Almaniyada 2015-ci ildə göstəriləcəyi bildirilir.

Romanda Adolf Hitler-in 1945-ci ildə bunkerdə ölmədiyi, yatdığı və bir də 2011-ci il avqustun 30-da Berlində yuxudan oyandığı təsvir edilir.

Şəhərdə dolaşan Hitler-i ətrafdakılar onun rolunu oynayan aktyor zənn edirlər.
Onu kamerayla çəkib roliki YouTube-a yerləşdirirlər.

Hitler təzədən məşhurlaşır, TV-lərdə çıxış edir və...yenidən siyasətə qayıdır.
Timur Vermes-in bu kitabı 2012-ci ildə nəşr olunub.

Romanın təqdimatı həmin il Frankfurt Beynəlxalq Kitab yarmarkasında olub.
Kitab 1 milyon 300 min tirajla satılıb.

Tezliklə Spiegel dərgisinin tərtib etdiyi bestsellerlər siyahısında roman 6-cı yeri tutub.

Hələlik ancaq alman dilində olan romana artıq 17 dilə tərcümə olunmaq üçün lisenziya verilib.

Timur Vermes 1967-ci ildə Nürnberg-də doğulub. Anası alman, atası macardır. Timurun atası 1956-cı ildə sovet qoşunları Macarıstana girərkən ordan qaçıb.
Timur Erlangen universitetinin tarix və siyasət bölümündə təhsil alıb.Daha sonra jurnalistlik edib.

«Er ist wieder dа» onun ilk romanıdır.
XS
SM
MD
LG