“Qanun” nəşriyyatı “Görkəmli insanların həyatı” seriyasından Lourens Lokkartın “Nadir Şah” (İlkin mənbələr əsasında tənqidi tədqiqat, London, 1938) monoqrafiyasını çapdan buraxıb.
Monoqrafiyanı rus dilindən Nəriman Əbdülrəhmanlı tərcümə edib.
İngiltərənin Kembric Universitetinin professoru Lourens Lokkartın bu monoqrafiyası İran şahı, türk-soylu əfşarlar sülaləsinin banisi Nadir şaha (1736-1747) ) həsr olunmuş ən sanballı əsərlərdən sayılır.
Hindistana qədər yürüşlər etmiş Nadir şaha "Şərqin Napoleon"u da deyənlər var.
Kitabda L.Lokkart Nadirin mənşəyini, hakimiyyətə yüksəlişini, nəhəng imperiya yaratmasını və daxili çəkişmələr nəticəsində həmin imperiyanın süquta uğramasını nəzərdən keçirir.
