Keçid linkləri

2017, 30 Aprel, bazar, Bakı vaxtı 20:42
-
Baş Prokurorluq hazırda həbsdə olan prezidentliyə namizəd İlqar Məmmədovun yanına notariusun keçməsinə icazə verib.

Bu barədə REAL Hərəkatın İdarə Heyətinin üzvü və İlqar Məmmədovun seçki qərargahının rəhbəri Azər Qasımlı məlumat yayıb.

REAL Hərəkatının həbsdə olan sədri İlqar Məmmədovun sənədləri avqustun 19-da MSK-ya göndərilib. Sənədləri onun vəkili Xalid Bağırov təcili poçtla yollayıb.

Qanunvericiliyə əsasən, ya şəxs özü, ya da səlahiyyətli nümayəndəsi sənədlərini MSK-ya təqdim etməlidir. İkinci halda, şəxs səlahiyyətli nümayəndəyə notarial qaydada təsdiq olunmuş etibarnamə verməlidir. Amma notarius Baş Prokurorluğun icazəsi olmadan İlqar Məmmədovdan etibarnamə ala bilmirdi.

İlqar Məmmədovun prezidentliyə namizədliyini REAL Hərəkatı irəli sürüb. O, bu ilin yanvarında İsmayıllıda baş vermiş aksiyalar zamanı ictimai qaydanı pozmaqda və vətəndaşları iğtişaşlara təhrik etməkdə təqsirləndirilir.

Günün bütün mövzuları

XS
SM
MD
LG