Keçid linkləri

2024, 28 Mart, Cümə axşamı, Bakı vaxtı 20:18

Bruce Willis gününə 1 milyon dollar istədi...


-
Aktyor Bruce Willis Sylvester Stallone-nin məşhur layihəsi sayılan «Çılğınlar-3» («The Expendables 3» ) filmindən çıxıb.
The Hollywood Reporter-in yaydığı xəbərə görə, ulduz sənətçi alacağı qonorarı yetərli bilməyib.
Bruce Willis ona təklif ediləndən 1 milyon dollar artıq istəyib.
Bolqarıstanda gerçəkləşəcək 4 çəkiliş gününə görə, ünlü aktyora 3 milyon təklif edilib.
Amma o, hər çəkiliş gününə 1 milyon verməsələr, layihədən çıxacağını söyləyib.
Bruce Willis və Stallone razılığa gəlmədiklərindən avqustun 6-da Willis-in indən belə filmdə oynamayacağı açıqlanıb.
Filmin baş rol ifaçısı və ssenaristi Sylvester Stallone Bruce Willis-in filmdən getmə xəbərini öz Twitter səhifəsində yazıb.
O, yazısına bu sözləri də artırıb: «Xəsislik və tənbəllik karyeranı itirmənin ən doğru düsturudur».
Bruce Willis-in təmsilçiləri bu sözlərə heç bir şərh verməyiblər.
Daha sonra Stallone yeni layihəyə Harrison Fordun da qatılacağını və filmin mütləq çəkiləcəyini də bildirib.
Rejissor Patrick Hewes-un çəkəcəyi döyüş filmində Arnold Schwarzenegger, Jason Statham, Mickey Rourke , Wesley Snipes, Jackie Chan, Nicolas Cage, Mel Gibson, və s. ünlü aktyorlar rol alacaq.
Premyeranın 2014-cü ildə olacağı bildirilir.
Filmin büdcəsi 90 milyon dollardır.
«Çılğınlar» silsiləsinin ilk filmi 2010-cu ildə ekrana çıxıb.
80 milyon dollara başa gələn 1-ci film 274 milyon dollar qazanc gətirib.
2012-ci ildə çəkilən ikinci film birincini üstələyib və qazanc 300 milyon dollara çatıb.
«Çılğınlar-2»-nin çəkilişlərinə Sylvester Stallone, Bruce Willis, Arnold Schwarzenegger, Jean Claude Van Damm və Chuck Norris qatılmışdılar.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG