Ekspert: Distant təhsil üçün kadr problemi var

Təhsil eksperti Nabatəli Qulamoğlu:

- Azərbaycanda distant təhsil alıb, diplom alan yoxdur hələ.

- Distant təhsil üçün Azərbaycanda baza yoxdur.

- Ucqar rayonlarda internetlə təmin olunmayıb. Ona görə də distant təhsilə hazırlıqsız keçmək mümkün deyil.

- Hökümət distant təhsilə keçid üçün maliyyə ayırmalıdır.

İnformasiya texnologiyaları mütəxəssisi Rəşad Əliyev:

- Distant təhsil deyəndə məsafədən təhsil nəzərdə tutulur.

- Distant təhsilin üstünlüklərindən ucuzluğu, işləmə imkanı, çatımlılığı qeyd etmək lazımdır.

- İstədiyin vaxtı intenet vasitəsiylə sənə lazım olan materialları əldə edib oxuya bilərsən.

- Universitet əyani və ya qiyabi təhsil verəndə ən azı auditoriya üçün pul xərcləməlidir. Distant təhsildə isə texniki imkanlar, alətlər çoxdur. Bu da cüzi bir xərc tələb edir.

- Bizdə distant təhsil üçün kadr problemi var.

Millət vəkili Musa Qasımlı:

- Qiyabi təhsilin həm təhsil alanlar üçün, həm təhsil verənlər üçün kifayət qədər faydası yoxdur. Bu baxımdan distant təhsil mütərəqqidir.

- Qiyabi təhsil alan tələbələr bu müddətdə öz ixtisası üzrə deyil, digər peşələrdə çalışırlar.

- Rayonlarda yaşayıb distans təhsilin imkanlarından istifadə edərək xaricdə təhsil alanlarımız var.

- Distant təhsilə keçid üçün texniki məsələlər, kadr problemi həll olunmalıdır.