Qırğızıstanın ombudsmanı Tursunbek Akun iyunun 27-də korrupsiya ittihamları ilə vəzifədən azad ediləndən az sonra səhhəti pisləşib. Həkimlər bildirirlər ki, parlamentin bu qərarından dərhal sonra xəstəxanaya yerləşdirilən keçmiş ombudsman hələ də huşsuz vəziyyətdədir.
Parlament komissiyasının qərarına görə keçmiş ombudsman bu ilin aprelində kriminal avtoritet Aziz Batukayevin qanunsuz olaraq vaxtından əvvəl həbsxanadan buraxılmasında ombudsman da iştirak edib.
Komissiya həmçinin ombusdman paratının xərclərində maliyyə pozuntuları aşkar etdiyini bildirib.
Tursunbek Akun Qırğızıstanda ən qocaman insan haqları fəallarından biridir. Onun ombudsman vəzifəsinə namizədliyini 2008-ci ildə o zamankı prezident Kurmanbek Bakiyev irəli sürmüşdü. Ombudsman olmazdan əvvəl isə o, Prezident yanında İnsan Haqları komissiyasının rəhbəri olub.