Keçid linkləri

Təcili xəbərlər
2020, 26 Noyabr, Cümə axşamı, Bakı vaxtı 08:19

Güclü leysan Zaqatalada fəsadlar yaradıb


Foto: Arxiv
-
İyunun 25-də Zaqatala rayonunda güclü küləklə müşahidə olunan leysan yağışı rayonda fəsadlar törədib.

Güclü külək Yevlax-Zaqatala-Gürcüstan magistral yolunun Zaqatala Hava Limanı ərazisindən keçən hissəsində irigövdəli ağacları aşırıb.

Bundan əlavə, xeyli sayda reklam lövhələri, yol hərəkət nişanları da leysandan zərər görüb.

Ağacların aşması nəticəsində çox sayda quş tələf olub.

Əsas fəsadlar isə rayonun Muxax kəndində qeydə alınıb.

Kənddə evlərin damını külək qoparıb, divarları uçurub.

Bir çox evlərin birinci mərtəbələrinə su dolması nəticəsində əşyalar zərər görüb.

Muxax kəndinin sakinləri zərərlə bağlı müvafiq qurumlardan kompensasiya tələb edirlər.
XS
SM
MD
LG