Bakıda maşınların hərəkəti məhdudlaşdırılır [FOTO]
Bakıda gül bayramına hazırlıq
Bakıda maşınların hərəkəti məhdudlaşdırılır [FOTO]
Mayın 10-da Bakının bəzi küçə və prospektlərində nəqliyyatın hərəkəti məhdudlaşdırılacaq.
Bu barədə APA-ya Bakı Şəhər Dövlət Yol Polisi İdarəsinin (BŞDYPİ) ictimaiyyətlə əlaqələr şöbəsinin rəisi Vaqif Əsədov bildirib.
Məlumata görə, Heydər Əliyevin 90 illik yubiley mərasiminin keçirilməsi məqsədi ilə sabah saat 07.30 dan M. Müşfiq küçəsinin Hüseyn Cavid prospekti ilə kəsişməsindən, Mehdi Hüseyn küçəsi 1 ünvanından, yəni Teleteatr binasının yanından Parlament prospekti ilə kəsişən bütün küçə və yollarda avtomobillərin hərəkətinə məhdudiyyət qoyulacaq.
Həmçinin Şəmsi Bədəlbəyli küçəsinin Bülbül və Rəşid Behbudov küçələri ilə kəsişməsinə qədər olan istiqamətdə avtomobillərin hərəkətinə tədbir bitənə qədər tam məhdudiyyət qoyulacaq.
V. Əsədov Heydər Əliyev Sarayının qarşısındakı parkda keçiriləcək «Gül bayramına» gələn şəhər sakinlərin və qonaqların nəzərinə çatdırıb ki, tədbirə giriş Mili Konservatoriyanın inzibati binasının qarşından olacaq.
Fotoqalereya
Bakıda Heydər Əliyevin 90 illik yubileyinə hazırlıqdan fotolar
Mayın 10-da keçmiş prezident Heydər Əliyevin 90 illik yubileyi münasibətilə Bakıda Gül Bayramı keçiriləcək. Xarici ölkələrdən gətirilən gülllərlə paytaxtı mərkəzində bayram üçün ayrılan yer bəzənir.
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
