Keçid linkləri

2017, 27 İyul, Cümə axşamı, Bakı vaxtı 04:59
-

"Ədəbi Azadlıq-2013" Müsabiqəsinin 20-liyindən


Cabir Umudov


Hardasan, ağ atlı oğlan?

Atın bəndəmi düşüb,
Işin fəndəmi düşüb,
Yoxsa yolun ayrılıb,
Başqa kəndəmi düşüb,
Hardasan, ağ atlı oğlan?

Ocaq tanış, yurd tanış,
Carə tanış, dərd tanış,
Mən sirr dağarcığıyam,
Aç sirrini mənə danış.
Hardasan, ağ atlı oğlan?

Düşmən soraq aldımı?
Qisas sura qaldımı?
Yollar daşlı, çınqıllı,
Atın qaranaldımı,
Hardasan, ağ atlı oğlan?

Qılınc qında yatır gəl,
Lazım gələr,götür gəl,
Sən ki, vədə vermişdin,
Vədən artıq ötür gəl,
Hardasan, ağ atlı oğlan?

Haqqını təpər eylə,
Sinəni sipər eylə,
Gözümüz yolda qalıb,
Gəlmirsən xəbər eylə.
Hardasan, ağ atlı oğlan?

Sənin fikrin

Şərhləri göstər

Günün bütün mövzuları

XS
SM
MD
LG