Keçid linkləri

2024, 29 Mart, Cümə, Bakı vaxtı 18:44

Azərbaycan teatrının «Həsənzadə»si 100 yaşına çatdı


Əli Zeynalov
Əli Zeynalov
-
Bu gün saat 19:00-da Akademik Milli Dram Teatrında Mədəniyyət və Turizm Nazirliyinin təşəbbüsü ilə görkəmli teatr və kino aktyoru, Xalq Artisti, Dövlət mükafatı laureatı Əli Yusif oğlu Zeynalovun anadan olmasının 100 illiyinə həsr olunmuş yubiley tədbiri keçiriləcək.

Xəbəri Akademik Milli Dram Teatrının mətbuat xidməti AzadlıqRadiosuna verib.

Əli Zeynalov 1913-cü il aprelin 4-də Salyanda doğulub.

Onun atası Yusif Zeynalov Sovetlər dövründə ilk əlifba kitabının müəllifi olub.

Əli Zeynalov vaxtilə Akademik Milli Teatrın ən parlaq aktyorlarından sayılıb.

Onun cazibəli görkəmi, ürəyəyatan səsi, güclü aktyorluq məharəti vardı.

O, həm də bədii qiraət ustası kimi məşhurlaşmışdı.

«Uzaq sahillərdə» filmində baş rolun ifaçısını— Mixaylonu da Əli Zeynalov səsləndirib.

Əli Zeynalovun «İki ömrüm olsaydı» adlı kitabı da var.

Aktyor 40 Azərbaycan filmində çəkilib.

Amma onun yaratdığı ən sevilən obraz İlyas Əfəndiyevin «Sən həmişə mənimləsən» tamaşasındakı Həsənzadə obrazıdır.

Uzun illər sonra bu obrazı eyniadlı teletamaşada Rasim Balayev canlandırıb.

Əfsanəvi aktyor 1988-ci ildə dünyadan köçüb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG