Keçid linkləri

2024, 29 Mart, Cümə, Bakı vaxtı 12:49

Bakıda binaların fasad işıqlandırılması bir saatlıq dayandırılacaq


Bu il martın 23-də saat 20:30-da Bakıda bir neçə binanın işıqlandırılması bir saatlıq dayandırılacaq.

APA-nın xəbərinə görə, bu, İDEA kampaniyasının təşəbbüsü ilə baş tutacaq.

Belə ki, hər il martın sonunda Dünya Vəhşi Təbiət Fondu (WWF) tərəfindən təşkil edilən «Yer saatı» (Earth Hour) aksiyası çərçivəsində müxtəlif ölkələrdə yaşayan milyonlarla insan birləşərək 1 saatlıq elektrik enerjisindən istifadəni dayandırır. Bu aksiya atmosferdə qaz balansının dəyişməsinin ekoloji problemlər yaratmasına, qlobal istiləşmə, iqlim dəyişkənliyi kimi fəsadların meydana gəlməsinə diqqət cəlb etmək məqsədilə keçirilir.

Martın 23-də Qız qalasının qarşısında start götürəcək aksiya çərçivəsində Alov Qüllələri (Flame Towers), Şirvanşahlar Sarayı, Məhəmməd məscidi də daxil olmaqla paytaxtdakı 10-a yaxın müasir və tarixi binalarının fasad işıqlandırılması bir saatlıq dayandırılacaq.

«Yer saatı» aksiyası dünyada ilk dəfə 2007-ci ildə Sidney şəhərində keçirilib və təxminən 2,2 milyon insanı əhatə edib. Hazırda «Earth Hour» şəbəkəsi ilə əməkdaşlıq edən ölkələrin sayı 150-dən, iştirak edən şəhərlərin sayı isə 6900-dən çoxdur.
XS
SM
MD
LG