London Suriya müxalifətinə zirehli texnika göndərmək fikrindədir

London silahlı Suriya müxalifətinə zirehli geyim və zirehli maşınlar göndərmək fikrindədir.

Bunu Böyük Britaniyanın xarici işlər naziri William Hague bəyan edib.

Onun sözlərinə görə, bu hərbi məqsədlər üçün yox, Bashar Assad rejiminə qarşı mübarizə aparan üsyançıların həyatını xilas etmək üçün nəzərdə tutulur.

Böyük Britaniya artıq Suriya müxalifətinə 14 milyon dollarlıq elektrik generatorları və rabitə cihazları verib.

Həmçinin ABŞ Dövlət katibi John Kerri bu ay Vaşinqtonun Suriya müxalifətinə 60 milyon dollar ayıracağını bəyan edib.