Obama konqresmenlərə xəbərdarlıq edib

ABŞ prezidenti Barack Obama xəbərdarlıq edib ki, martın 1-də mexaniki qüvvəyə minən büdcə ixtisarı ağrılı olacaq.
O cümə günü Konqresin liderləri ilə bunun fəsadlarını müzakirə edib.

Oktyabrın 1-dək 85 milyard dollara qənaət edilməlidir ki, bu dövlət idarələrində 5, Pentaqonda isə 8 faiz ixtisar deməkdir.

Qərar ona görə qüvvəyə minib ki, demokratlarla respublikaçılar büdcə kəsirinin azaldılmasında razılığa gələ bilməyiblər.

Hazırda ABŞ-da 11 trilyon 700 milyard dollar büdcə kəsiri var.