Raffi Hovanisian tərəfdarlarını meydandan dağılışmağa çağırıb

Ermənistanda keçirilən prezident seçkisində ikinci olan “İrs” partiyasının sədri Raffi Hovanisian tərəfdarlarını Azadlıq meydanından çəkilməyə çağırıb.

Onun tərəfdarları dünən axşam Yerevanda seçkinin nəticələrinə etiraz olaraq kütləvi nümayiş keçirib.

Ovanisian bu gün prezident sarayında yenidən dövlət başçısı seçilmiş Serzh Sarkisianla görüşüb.

O cümə günü keçiriləcək mitinqdə görüşlə bağlı bütün suallara cavab verəcəyini vəd edib.

Seçkinin saxtalaşdırıldığını deyən müxalifət nəticələrin ləğvini tələb edir.