Tələbə Qəbulu üzrə Dövlət Komissiyası (TQDK) daha 3 dərsliyin respublikanın ümumtəhsil məktəblərində istifadəsini məqsədəuyğun saymayıb.
APA-nın xəbərinə görə, bunlar 3-cü sinif «Azərbaycan dili», «Riyaziyyat» və «Həyat bilgisi» dərslikləridir.
Komissiya bu dərsliklərin yenidən hazırlanmalı olmasına dair rəy verib, rəy artıq Təhsil Nazirliyinə göndərilib.
Orta məktəblərin 3-cü sinfində 8 dərslik var.
TQDK 1-ci sinif üçün «Ana dili» və «Riyaziyyat» dərsliklərinin də yararsız olmasına dair rəy verib. Təhsil Nazirliyi isə bu rəylə razılaşmır.