Keçid linkləri

2024, 28 Mart, Cümə axşamı, Bakı vaxtı 23:50

Cərimələnən gəncin telefon və noutbukunu götürdülər


Ülvi Həsənli
Ülvi Həsənli
-
Nizami rayon Məhkəməsi fevralın 15-də Azad Gənclik Təşkilatının sədri Ülvi Həsənlinin əlində olan mobil telefon və noutbuku müsadirə edib.

Buna səbəb Ülvi Həsənlinin yanvarın 12-də Bakıda keçirilən «Əsgər ölümlərinə SON» aksiyasında saxlanaraq 600 manat cərimə edilməsidir.

Cərimənin könüllü ödəniş müddəti fevralın 15-də başa çatır.

Gənc fəal AzadlıqRadiosuna deyib ki, noutbuk və telefon onun deyil. Hətta dediyinə görə, məhkəmə əməkdaşlarına təklif edib ki, onun yaşadığı evə gedərək başqa əşya götürsünlər:

«Ancaq onlar məni məhkəmə otağına salıb qapını bağladılar və məcburi icraata başladılar. Mənə aid olmayan əşyaları müsadirə etdilər. Dedilər ki, bu iki əşyanın mənə aid olub-olmaması məhkəmədə mübahisələndiriləcək. 24 saat ərzində məhkəmə olmalıdır, biz də gözləyirik».

Bu il yanvarın 12-də və 26-da keçirilən aksiyalarda cərimələnən bir qrup fəal cərimələri ödəməkdən imtina edib. Onların arasında Ülvi Həsənli də var.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG