Bakıda keçiriləcək şahmat çempionatları üzrə təşkilat komitəsi yaradılıb

Azərbaycan prezidenti İlham Əliyev 2015-ci ildə şahmat üzrə Dünya Kuboku və 2016-cı ildə Ümumdünya Şahmat Olimpiadasının Bakıda keçirilməsi üzrə Təşkilat Komitəsinin yaradılması barədə sərəncam imzalayıb.

APA-nın məlumatına görə, baş nazirin birinci müavini Yaqub Eyyubov
Təşkilat Komitəsinin sədri təyin olunub.

Komitəyə nazirlər, komitə və xidmət sədrləri, Şahmat Federasiyasının prezidenti və vitse-prezidentləri daxildir.