Keçid linkləri

2024, 19 Mart, çərşənbə axşamı, Bakı vaxtı 10:07

Əkrəm Əylislinin pyesi əsasında tamaşanı ləğv etdilər


Akamdemik Milli Dram Teatrı
Akamdemik Milli Dram Teatrı
-

“O kimdir ki, biz onun tamaşasını səhnələşdirək?”


Əkrəm Əylislinin “Yazığam, sevmə məni” pyesi əsasında hazırlanan tamaşanın premyerası ləğv edilib.

“Qafqazinfo”nun verdiyi məlumata görə, artıq sosial şəbəkələrdə bu barədə məlumat yayılıb və məlum olub ki, son günlər yazıçının “Daş yuxular” romanı ətrafındakı gərgin müzakirə digər pyesinin taleyinə təsirsiz ötüşməyib. Belə ki, rejissor Nicat Kazmovun səhnələşdirdiyi, baş rolda Mehriban Xanlarovanın rol alacağı tamaşanı Azərbaycan Dövlət Akademik Milli Dram Teatrında səhnələşdirməkdən imtina edib.

Akamdemik Milli Teatrın truppa müdiri Elnur Məmmədov “Qafqazinfo”ya açıqlamasında bildirib ki, onlarda belə tamaşa oynanılmır: “Əkrəm Əylisli kimdir ki, biz onun tamaşasını səhnələşdirək”.

Mehriban Xanlarova isə “Qafqazinfo”ya açıqlamasında qeyd edib ki, sözügedən tamaşada baş rol obrazını ona vermişdilər: ““Yazığam, sevmə məni” pyesində “Şirin” obrazını oynayacaqdım. Əkrəm Əylisli ilə bağlı son günlər yaranan söhbətdən sonra əsəri dayandırdılar. Hətta məşqlərə də başlamışdıq, hazırda məşqlər də dayandırılıb. O tamaşada oynamayacağam”.

***

Sözügedən pyesin rejissoru Nicat Kazımov isə açıqlamasında bildirib ki, “Yazığam, sevmə məni” pyesini səhnələşdirməyəcək: “Mən özüm əsəri səhnələşdirməkdən imtina etdim və Rey Kuminin “Qadın, kişi, pəncərə, meyit” əsərini tamaşaya hazırlayıram”.

qafqazinfo.com

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG