Keçid linkləri

2024, 28 Mart, Cümə axşamı, Bakı vaxtı 14:56

Nobel mükafatlı yazar Mo Yan Çin hökumətinə "konstruktiv təkliflər" verəcək


Almaniya - Mo Yan Frankfurt Kitab Sərgisində, 2009
Almaniya - Mo Yan Frankfurt Kitab Sərgisində, 2009
-

Çində parlamentlə yanaşı Çin Xalq Siyasi Məşvərət Şurası adlanan və vəzifəsi cəmiyyət üçün vacib qanun layihələrinin hazırlanması təşəbbüsü ilə çıxış etmək olan bir qurum da var.

Həmin qurumun üzvlüyünə bu dəfə Nobel mükafatlı yazar Mo Yanın da namizədliyi irəli sürülüb.

Çin Kommunist Partiyasının üzvü olan yazıçı ilə yanaşı şura üzvlüyünə keçmiş basketbol ulduzu Yao Ming və məşhur Hollywood aktyoru Jackie Chan-ın da şura üzvlüyünə namizədliyi irəli sürülüb.

Çin Xalq Siyasi Məşvərət Şurasının 2237 üzvü var. Qurum həm siyasi partiya üzvlərindən, həm də bitərəflərdən ibarətdir. Qurumda milli azlıqların nümayəndələri, xaricdəki diasporların təmsilçiləri də yer alır.

Qurumun əsasnaməsində deyilir ki, "Xalq Siyasi Məşvərət Şurası xalq kütlələrini maraqlandıran məsələləri öyrənib onlar əsasında partiya və hökumətə konstruktiv təkliflər verir".

Şuranın plenar sessiyaları ildə bir dəfə keçirilir.
XS
SM
MD
LG