20 gün idi ki,hərbi xidmətdə olan əsgər nədən ölüb?

Daxili Qoşunlar 20 gündür ki, əsgərlikdə olan Toğrul Rüstəmlinin qan xəstəliyindən öldüyünü deyir.

Qurumun mətbuat katibi Təranə Məmmədova AzadlıqRadiosuna deyir ki, həmin xəstəlik bir neçə günə ölümcül fəsadlar verə və 2-3 günə insanı öldürə bilir.

Amma qohumları onun qan xəstəliyindən ölməsinə inanmır və onun heç bir xəstəliyi olmadığını deyirlər.

Sabunçu rayonundan hərbi xidmətə çağrılmış Toğrul Rüstəmli yanvarın 28-də ölüb.
Ekspertizanın rəyi bir həftədən sonra bilinəcək.