Ukraynanın keçmiş iqtisadiyyat naziri Volodymr Lanovyi xəbərdarlıq edib ki, 2013-cü ildə bu ölkədə iflas edə və xarici borclarını ödəməkdə ciddi problemlərlə üzləşə bilər. Keçmiş nazir AzadlıqRadiosunun Ukrayna xidmətinə müsahibəsində bildirib ki, 2013-cü ildə Ukrayna hökuməti özəl sərmayəçilər, Rusiya və beynəlxalq maliyyə qurumlarına 9.3 milyard dollar ödəməlidir. Amma hökumətin pulu demək olar yoxdur.
Keçmiş nazir Ukraynanın hazırkı vəziyyətini “maliyyə fəlakətinin astanası” sözləri ilə təsvir edib.
Onun fikrincə, Ukrayna hökumətinin daha ağır faizlərlə borclarının müddətini uzatmaqdan başqa çarəsi yoxdur.