Kinematoqrafçılar İttifaqı Hökumət Evindən çıxarılır

Yazıçı və rejissor Rüstəm İbrahimbəyovun başçılıq etdiyi Kinematoqrafçılar İttifaqı Hökumət Evindən çıxarılır.

Bu barədə AzadlıqRadiosuna İttifaqın katibi Əli İsa Cabbarov məlumat verib.

Onun sözlərinə görə, quruma bununla bağlı heç bir sənəd göstərilməyib və binadan çıxmaq üçün onlara əlavə vaxt verməyib.

Məlumata görə Hökumət Evinin işçiləri artıq İttifaqın əşyalarını otaqlardan çıxarır.

Rüstəm İbrahimbəyov baş verənləri onu susdurmaq cəhdi adlandırır.