Keçid linkləri

2024, 25 İyul, Cümə axşamı, Bakı vaxtı 13:26

Xizək sürərkən yıxıldı və…öldü


Claude Nobs
Claude Nobs
Dünyanın ən önəmli musiqiçilərindən biri -- Montrö Caz Festivalının qurucusu və başqanı Claude Nobs 76 yaşında Lozannadakı xəstəxanada ölüb.

Dünyanın əksər media orqanlarında bu xəbər «Caz musiqisi babasını itirdi» başlığı ilə çıxıb.

Claude Nobs dekabrın 24-də İsveçrənin Montrö şəhərində xizək sürərkən yıxılıb və komaya düşüb. O gündən bu yana həkimlərin səyi heç bir nəticə verməyib.

Claude Nobs komadan ayılmayıb və yanvarın 10-da Lozanna xəstəxanasının həkimləri onun öldüyünü bildiriblər.

Nobs bir konsertlə başladığı Montrö Caz Festivalını uzun illərdir ki, fasiləsiz davam etdirib.

Deyilənə görə, 1971-ci ildə Frank Zappa mahnı oxuyarkən səhnədə böyük yanğın baş verməsinə baxmayaraq, festival öz işinə ara verməyib.

Əksinə, Deep Purple-nin bu yanğına həsr etdiyi mahnı («Smoke on the Water») hitə çevrilib.

Bu illər ərzində Montrö Caz Festivalına dünyanın ən məşhur caz sənətçiləri qatılıb.

2009-cu ildə Azərbaycan sənətçisi İsfar Sarabski də həmin beynəlxalq festivalın qalibi olub.

AzadlıqRadiosunda iş

İcraçı prodüser

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG