Chavezin andiçmə mərasimi təxirə salınıb

Venesuela prezidenti Hugo Chavezin yanvarın 10-na nəzərdə tutulmuş andiçmə mərasimi təxirə salınıb.
Bu barədə dünən parlamentin sədri Diosdado Cabello məlumat verib.

Chavez hazırda Kuba xəstəxanasındadır.
Uzun illərdir ki, xərçəng xəstəliyindən əziyyət çəkən Chavez dekabrın 11-də Kubada 4-cü dəfə əməliyyat olunub.

14 ildir ki, ölkəni idarə edən Chavez ötən ilin oktyabrında yenidən daha bir müddətə prezident seçilib.

Ölkə Konstitusiyasına görə, onun indiki prezidentlik müddəti yanvarın 10-da sona yetib.