Keçid linkləri

2017, 23 Yanvar, Bazar ertəsi, Bakı vaxtı 07:00

Azərbaycanda hərbi hissədə silahlı insident olub


Azərbaycan Ordusunun əsgərinin ehtiyatsızlıqdan hərbçi yoldaşını güllələdiyi deyilir.

ANS PRESS-in məlumatına görə, hadisə Müdafiə Nazirliyinin Qazax rayonunda yerləşən «N» saylı hərbi hissəsində qeydə alınıb. Bildirilir ki, Xaçmaz rayonundan hərbi xidmətə çağırılan, 1993-cü il təvəllüdlü Ruslan Mirzə oğlu Şahbazovun tabeliyindəki avtomatdan ehtiyatsızlıqdan atəş açılıb.

Güllə onun əsgər yoldaşı, Yevlax rayonundan hərbi xidmətə çağırılan, 1994-cü il təvəllüdlü Vahid Telman oğlu Ağabalazadə dəyib. Başından yaralanan əsgər hospitala yerləşdirilib. Onun vəziyyəti ağır qiymətləndirilir.

Müdafiə Nazirliyinin mətbuat xidmətinin rəis müavini Teymur Abdullayev faktı təsdiqləyib.
XS
SM
MD
LG