-
Prezident Hugo Chavez “kəskin” nəfəs infeksiyasından əziyyət çəkir. Bu məlumatı Venesuela hökuməti yayıb. Chavez Kubada xərçəngdən əməliyyat olunub.
Prezident Hugo Chavez “kəskin” nəfəs infeksiyasından əziyyət çəkir. Bu məlumatı Venesuela hökuməti yayıb. Chavez Kubada xərçəngdən əməliyyat olunub.
İnformasiya naziri Ernesto Villegas yanvarın 3-də bildirib ki, 58 yaşlı Chavezin “kəskin ağciyər infeksiyası” nəticəsində “nəfəs çatışmazlığı” var və sərt tibbi rejimi gözləməlidir. Chavezin durumu barədə bundan artıq informasiya verilməyib.
Bəyanatda o da iddia olunur ki, beynəlxalq media qurumları Chavezin səhhətindən yararlanaraq Venesuelanı qarışdırmaq üçün “psixoloji müharibə” əməliyyatları aparıblar. Ancaq konkret ad çəkilməyib.
Dekabrın 11-də əməliyyat olunan Chavez o vaxtdan ictimaiyyətə görünməyib. Onun yanvarın 10-da Venesuelada yeni prezident kimi andiçmə mərasimi üçün ölkəyə dönəcəyi də bəlli deyil.