Misirdə konstitusiya dəyişikliyi üçün şənbə günü keçiriləcək referendum ərəfəsində prezidentin tərəfdarları ilə müxalifət fəallarının ayrı-ayrılıqda keçirdikləri aksiyaları da davam edir. Referendum şənbə günü paytaxt Qahirədə, Aleksandriya şəhərlərində və ölkənin başqa 8 regionunda keçiriləcək. Ölkənin qalan ərazilərində isə səsvermə gələn həftə olacaq.
Paytaxtda təhlükəsizliyi təmin etmək üçün on minlərlə polis və əsgər cəlb edilib.
Müxalifətçilər bildirirlər ki, prezident Mohammed Morsinin konstitusiyaya təklif etdiyi düzəlişlər həddən artıq islam təmayüllüdür.
Prezidentin tərəfdarları ilə müxalifət qrupları arasında toqquşmalarda azı 8 nəfər həlak olub.