Əfqanıstandakı NATO qüvvələrinə yeni komandan təyin edilib

ABŞ Senatı bazar ertəsi Əfqanıstandakı koalisiya qüvvələrinə yeni baş komandanın namizədliyini təsdiqləyib.

Prezident Barack Obamanın təyinatı ilə komandanlıq general John Allendən general Joseph Dunford-a keçəcək.

General Dunford ABŞ-ın bir sıra nüfuzlu ali hərbi məktəblərini bitirib, həmçinin Corctaun Universitetində hüquq və diplomatiya üzrə təhsil alıb.