Şabranda yaşayış binası uçub

Şabran rayonunda yaşayış binasında uçqun olub. Fövqəladə Hallar Nazirliyinin (FHN) rəsmi saytının məlumatına görə, Şabran rayonu Ağalıq kəndində XX əsrin əvvəllərində inşa edilmiş ikimərtəbəli on iki mənzilli yaşayış binasının bəzi konstruktiv elementlərində qismən uçqun olub.

Bildirilir ki, binanın mövcud vəziyyəti mütəxəssislər tərəfindən tam müəyyən edilənə qədər sakinlər təxliyə olunaraq təhlükəsiz əraziyə köçürülüb.

Binanın su, elektrik və qaz təchizatı dayandırılıb, mühafizəsi təşkil olunub.