Keçid linkləri

Təcili xəbərlər
2021, 13 Aprel, çərşənbə axşamı, Bakı vaxtı 03:32

Azərbaycan «Junior Eurovision 2012»-də 11-ci olub


Arxiv foto
-

Amsterdamda keçirilən «Junior Eurovision 2012» yarışması başa çatıb. Dekabrın 1-də axşam saatlarında başlanan yarışma gecə saatlarında bitib. Azərbaycan yarışmada 11-ci olub.

«Junior Eurovision 2012» on ildir keçirilir və Azərbaycan yarışmaya ilk dəfəydi qatılırdı.

Azərbaycanı müsabiqədə Ömər və Suada «Girls&Boys» mahnısı ilə təmsil ediblər. Sosial şəbəkələrdə Ömərin İctimai televiziyanın rəhbəri İsmayıl Ömərovun nəvəsi olduğu yazılırdı.
Yarışmanın qalibi isə Ukrayna olub. O bir çox ölkələrdən 12 xalq qazanıb. İkinci yeri Azərbaycanın qonşusu Gürcüstan tutub.

Bu yarışmada qaliblərin seçilməsində münsiflər heyəti də mühüm rol oynayır. Yəni qalib 50% münsiflər heyəti, 50% tamaşaçı səsverməsi nəticəsində müəyyən olunur.

Azərbaycan münsiflərdən 2 bal, Gürcüstan 12 bal ala bilib.

Səsvermə zamanı Azərbaycan ən yüksək balı Albaniya, Gürcüstan və
Ukraynadan alıb. Albaniya Azərbaycana 10, Gürcüstan 8, Ukrayna 5 bal verib. Rusiya ilə İsveç isə Azərbaycana 3, Belarus 2, Belçika 1 bal verməklə kifayətlənib.

Azərbaycan isə 12 xalını Albaniyaya verib.

Yarımada 12 ölkə iştirak edib. «Junior Eurovision 2012» canlı olaraq iştirkçı ölkələrdə yayımlanıb.

Şərhlər (1)

Bu forum dayandırılıb
XS
SM
MD
LG