Tehran:" NATO-nun Türkiyədə raket yerləşdirməsi vəziyyəti pisləşdirəcək"

İran bəyan edib ki, NATO-nun Türkiyə ərazisi-Suriya sərhəddi yaxınlığında raketlər yerləşdirməsi Suriya münaqişəsi ətrafında gərginliyi daha da artıracaq.

İran Xarici İşlər Nazirliyinin sözçüsü Ramin Mehmanparast deyib, Türkiyə ərazisində
“Patriot” raketlərinin yerləşdirilməsi Suriya münaqişəsinə nəin ki, kömək edəcək, əksinə vəziyyəti daha da çətinləşdirəcək.

Türkiyə Suriyadan mümkün raket hücumlarının qarşısını almaq üçün bu günlərdə
NATO-dan ərazisində bu cür sistemlər yerləşdirilməsini xahiş edib.