Bolqarıstan, Polşa və İsveçin xarici işlər nazirləri Azərbaycana gəlirlər

-
Bolqarıstanın Xarici İşlər naziri Nikolay Mladenov, Polşanın Xarici İşlər naziri Radosław Sikorski və İsveçin Xarici İşlər naziri Carl Bildt regiona səfərləri çərçivəsində dekabrın 11-12-də Bakıda işgüzar səfərdə olacaqlar.

APA-nın xəbərinə görə, səfərin məqsədi regionda yaranmış vəziyyətlə yaxından tanış olmaqdır.

Səfər çərçivəsində nazirlərin Azərbaycan Prezidenti İlham Əliyev, Baş nazir Artur Rəsizadə və Xarici İşlər naziri Elmar Məmmədyarovla görüşü nəzərdə tutulur.

Onların Bakıdan Tbilisiyə və Yerevana gedəcəkləri bildirilir.