Keçid linkləri

2024, 25 May, şənbə, Bakı vaxtı 21:38

Asiya siyasi partiyaları konfransı bəyannamə qəbul etdi


Bakı
Bakı
-
Bakıda keçirilən Asiya Siyasi Partiyaları Beynəlxalq Konfransının (ICAPP) VII Baş Assambleyasının bəyannaməsi qəbul olunub. Bəyannamədə deyilir ki, Azərbaycanın ərazi bütövlüyünü və BMT Təhlükəsizlik Şurasının Azərbaycanın işğal olunmuş ərazilərinə dair qəbul etdiyi qətnamələri dəstəkləyirlər.

-

“Azərbaycanın ərazi bütövlüyü pozulmamalıdır”, - bəyannamədə deyilir.

Trend-in məlumatına görə, təşkilat Cənubi Qafqazda qanunun aliliyi, sülhün və təhlükəsizliyin irəliləyişi, ölkədə demokratik strukturların gücləndirilməsi baxımından Azərbaycanın və Yeni Azərbaycan Partiyasının rəhbərliyinin mövqeyini yüksək qiymətləndirir.

Bəyannaməni ICAPP Daimi Komitəsinin üzvü, Pakistan senatoru Muşahid Hüseyn Səid səsləndirib.

Konfransın bağlanış mərasimində YAP-ın sədr müavini Əli Əhmədov bildirib ki, Asiya Siyasi Partiyaları Beynəlxalq Konfransının VII Baş Assambleyası Asiya partiyaları arasında dialoqun dərinləşməsinə xidmət edəcək. “Bu cür görüşlər ölkələrin siyasi həyatında böyük rol oynayan şəxslərin arasında münasibətlərin yaranmasına xidmət edir”, - o deyib.

Asiya Siyasi Partiyaları Beynəlxalq Konfransının (ICAPP) VII Baş Assambleyası noyabrın 22-də öz işinə başlayıb. Assambleyanın işində 35 ölkədən 200-ə yaxın nümayəndə iştirak edib.

Tədbirdə Ermənistanın sabiq xarici işlər naziri, İrs Partiyasının sədri Raffi Hovhannisyan da iştirak edib. Assambleyanin işini işıqlandıran KİV-lər yazır ki, o iclası pozmağa çalışıb. APA-nın məlumatına görə, Hovhannisyan gözlənilmədən tribunaya yaxınlaşaraq ona icazə verilmədən çıxış etmək istəyib. “Bu zaman iclasa sədrlik edən şəxslər onu intizama dəvət ediblər. Tədbir iştirakçıları olan Azərbaycan nümayəndə heyəti, həmçinin digər əksər ölkələrin nümayəndələri əllərini qarşılarındakı masaya döyəcləyərək erməni partiya sədrinin intizamsızlığına etiraz ediblər”.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG