Qəzzə bölməsində 10 dinc sakin ölüb

İsrailin hava zərbəsi nəticəsində bu gün Qəzzə bölməsində azı 10 dinc sakin ölüb.

Fələstin tərəfi ölənlərdən 6-nın qadın, 3-nün isə uşaq olduğunu deyir.
İsrail hərbçiləri bu məlumatın araşdırıldığını deyirlər.

İsrailin baş naziri Benjamin Netanyahu bundan əvvəl Həmasa qarşı hərbi əməliyyatların genişləndiriləcəyini istisna etməyib.

İsrail Qəzzə sərhəddinin yaxınlığına minlərlə əsgər, tank və digər zirehli texnikalar yeridib.