Keçid linkləri

2024, 24 İyun, Bazar ertəsi, Bakı vaxtı 18:18

Aksiya təşkilatçıları polisə çağırılıb


Arxiv foto
Arxiv foto
-

Gənclərin noyabrın 17-nə planlaşdırdığı etiraz aksiyasının təşkilatçıları polisə çağırılıb.

Bunlar, aksiya üçün Bakı Şəhər İcra Hakimiyyətinə müraciət etmiş Azərbaycan Demokrat Partiyası Gənclər Təşkilatının sədri Cəmil Hacıyev, AXCP Gənclər Komitəsinin sədri Əbülfəz Qurbanlı və AXCP fəalı Məmməd İbrahimdir.

Bu barədə AzadlıqRadiosuna məlumat verən Əbülfəz Qurbanlı deyib ki, onlar noyabrın 16-sı saat 17:30-da Bakı Şəhər Baş Polis İdarəsinin rəis müavini polkovnik Səhlab Bağırovla görüşəcəklər.

«Bu adi qaydadır, razılaşdırılmış və ya razılaşdırılmamış aksiyalardan öncə polislə təşkilatçılar arasında profilaktik söhbət üçün belə görüşlər olur. Onlar bizdən aksiyaya çıxmamağı xahiş edir, hüquq və vəzifələri xatırladırlar. Biz də onlara aksiyaların keçirilməsinin qanuni hüququmuz olduğunu, belə aksiyaları keçirməkdə israrlı olduğumuzu bildiririk».

Bir qrup gənc fəal və ictimaiyyət təmsilçisi aksiyanı paytaxtın Fəvvarələr meydanında keçirməyi planlaşdırır.

Onlar parlamentin buraxılması və Milli Məclisə yeni seçkilərin keçirilməsini tələb edirlər. Bakı Şəhər İcra Hakimiyyəti onların müraciətinə müsbət cavab verməyib.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG