Baş Prokurorluğun Müsabiqə Komissiyası noyabrın 16-da Tələbə Qəbulu üzrə Dövlət Komissiyası ilə birgə Azərbaycan Texniki Universitetinin idman sarayında prokurorluq orqanlarına işə qəbulla əlaqədar yazılı imtahan keçirir.
AzərTAc xəbər verir ki, yazılı imtahan saat 10.00-da başlayıb və 4 saat davam edəcək.
İmtahanın şəffaf və aşkarlıq şəraitində keçirilməsi məqsədilə tədbirdə hökumət və qeyri-hökumət, beynəlxalq təşkilatların və kütləvi informasiya vasitələrinin nümayəndələri iştirak edirlər.
Müsabiqəyə sənəd verənlərdən 89 nəfəri yazılı imtahanda iştirak edir.
Yazılı imtahanda müvafiq keçid balı toplamış şəxslər müsabiqənin üçüncü-müsahibə mərhələsinə buraxılacaq.
Yazılı imtahanının nəticələri barədə əlavə məlumat veriləcək.