Keçid linkləri

2024, 28 Mart, Cümə axşamı, Bakı vaxtı 20:58

ABŞ və Kanadada «Sandy» qasırğasının qurbanlarının sayı 50-yə çatıb


Nyu Yorkun Aşağı Manhattan rayonunda sakinlər «Sandy» qasırğasının törətdiyi fəsadları izləyir
Nyu Yorkun Aşağı Manhattan rayonunda sakinlər «Sandy» qasırğasının törətdiyi fəsadları izləyir
Oktyabrın 31-i səhər New York şəhərindəki John Kennedy adına beynəlxalq aeroport və New Jersey ştatındakı Newyark şəhər aeroportu qismən işini bərpa ediblər. Aeroportlar «Sandy» qasırğasına görə bağlanmışdı.

ABŞ və Kanadada «Sandy» qasırğası qurbanlarının sayı 50-ə çatıb. Hazırda qasırğa tədricən zəifləyir.

Qasırğa ötən gecə sahilə yaxınlaşıb, soyuq hava kütlələri ilə birləşdiyindən qasırğa zəifləsə də, ziyan vurmaqda davam edir. Fəlakət bölgəsində milyonlarla insan elektriksiz qalıb.

New York metrosu, avtomobil yollarındakı tunellər su altında qalıb. Şəhərdə 20-dən çox güclü yanğın baş verib.

«Sandy» qasırğası ABŞ iqtisadiyyatına on milyardlarla dollar məbləğində ziyan vurub.

DÜNYANIN ƏN BÖYÜK BİRJASI İKİ GÜN ARDICIL BAĞLI OLUB

ABŞ prezidenti Barack Obama New Jersey ştatında olub. New York ştatını isə «fəlakət bölgəsi» elan edib. New York meri Michael Bloomberg şəhərdə 10 adamın öldüyünü, ölənlərin sayının artacağından narahat olduğunu bildirib.

New York Universitetinin «Tisch» xəstəxanasında elektrik kəsildiyi və generator işləmədiyi üçün 200-dən çox xəstə başqa xəstəxanalara köçürülüb. New York birjası bu gün də açılmayıb.

Dünyanın ən böyük birjası 1888-ci ildən bu yana ilk dəfədir ki, iki gün ardıcıl bağlı qalıb.

ABŞ-da noyabrın 6-da keçiriləcək prezident seçkiləri ilə bağlı prezident Barack Obama və onun respublikaçı rəqibi Mitt Romney seçki kampaniyalarını təxirə salıblar.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG