Keçid linkləri

2017, 21 Yanvar, şənbə, Bakı vaxtı 23:40

20 oktyabr aksiyasının iştirakçıları azadlığa çıxır


-
20 oktyabr aksiyasında həbs edilən Müsavat üzvləri Elşad Budaqov, Şahin Mirzəli, AXCP sədrinin müşaviri Şakir Abbasov, «N!DA» Vətəndaş Hərəkatının üzvü Turqut Qəmbər, «Azad Gənclik» təşkilatının sədri Ülvi Həsənli və AXCP sədri Əli Kərimlinin mühafizəçisi Bəhruz Həsənov sərbəst buraxılıb.

Oktyabrın 20-də bir qrup müxalifyönlü gənc və siyasi fəal paytaxtın Fəvvarələr Meydanında «Parlament buraxılsın!» şüarı ilə razılaşdırılmamış etiraz aksiyası keçirib.

Aksiyaya səbəb Yeni Azərbaycan Partiyasının üzvü Gülər Əhmədovanın deputat seçilmək üçün sabiq universitet rektoru Elşad Abdullayevdən rüşvət istədiyi deyilən video olub.

Müxalifətin fikrincə, rüşvətlə formalaşan parlament buraxılmalı və yeni seçkilər keçirilməlidir.

Ümumilikdə, 20 oktyabr aksiyası zamanı 13 nəfər barəsində 7-10 sutka həbs qərarı çıxarılıb.
XS
SM
MD
LG