Keçid linkləri

2024, 10 May, Cümə, Bakı vaxtı 12:38

Məşhur pianoçu Twitter-də İslamı təhqir etməkdə ittiham olunur


Fazil Say
Fazil Say
Türkiyənin dünyada tanınan pianoçusu, Nyu-York Filarmoniyasında, Berlin Simfonik Orkestri ilə konsertlər verən, Avropa Birliyinin xoşməramlı Mədəniyyət səfiri olan Fazıl Say bu gün məhkəmə qarşısına çıxarılıb.

İstanbulda keçirilən məhkəmədə pianoçunu İslami dəyərləri təhqir etmək və ictimai asayişi pozmaqda ittiham edirlər. Əgər günahı sübuta yetirilsə onu 1 il yarım həbs cəzası gözləyir.

Fazıl Sayı bir neçə Türkiyə vətəndaşının rəsmi şikayəti ilə məhkəməyə cəlb ediblər. Onlar iddia edirlər ki, pianoçu ictimai yerlədə çıxışlarında, o cümlədən sosial mediada yazdıqları ilə cəmiyyətin qəbul elədiyi İslami dəyərləri lağa qoyur və bununla da ictimai asayişi təhlükəyə atır.

Konkret olaraq Sayın Twitterdə yazdığı bir mesajdan şikayət olunur. Həmin twitdə pianoçu yazıb ki, müəzzin (azan verən) azanı 22 saniyədə bitirdi. Hara tələsirsən, sevgilin gözləyir, ya stolun üstündə rakı (araq) qalıb?”

İndi bir sıra Türkiyə vətəndaşlarının müraciətini diqqətə alan prokurorluq Fazıl Sayın bu ittihamla 18 ay həbsini istəyir.

Məhkəmə prosesində Fazıl Say ittihamları rədd edib və bəraətini tələb edib. Hakim isə əlavə faktlar toplanması üçün prosesi 14 fevrala qədər təxirə salıb.

Prosesin keçirildiyi vaxt isə yüzlərlə fəal məhkəmə qarşısında etiraz aksiyası keçiriblər. Onlar bu olayı hansısa dini dəyərlərə qarşı yox, birbaşa olaraq söz azadlığının boğulması kimi qiymətləndirirlər.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG