-
Özbəkistan prezidenti İslam Kərimov Azərbaycana rəsmi səfərə gəlib. AzərTAc xəbər verir ki, oktyabrın 12-də rəsmi qarşılanma mərasimindən sonra İslam Kərimovla Azərbaycan prezidenti İlham Əliyevin təkbətək görüş keçirilib.
Görüşdə Azərbaycan ilə Özbəkistan arasında ikitərəfli münasibətlərin müxtəlif sahələrdə uğurlu inkişafından məmnunluq ifadə olunub.
Məlumatda o da deyilir ki, Özbəkistan prezidentinin Azərbaycana rəsmi səfərinin əlaqələrin daha da genişlənməsi baxımından əhəmiyyəti qeyd edilib. İki ölkə arasında münasibətlərin bundan sonra da möhkəmlənəcəyinə əminlik bildirilib.
Görüşdə qarşılıqlı maraq doğuran məsələlər barədə fikir mübadiləsi aparıldığı da deyilir.