Keçid linkləri

2024, 16 İyun, bazar, Bakı vaxtı 17:37

Korrupsiya həm də online oyun olur


Arxiv foto
Arxiv foto

Rusiyada kompyuter oyunları proqramçıları online “Korrupsiya” oyunun da layihəsini hazırlayıblar. Layihə bu il oktyabrın 4-dən 7-ə qədər keçiriləcək növbəti illik sərgidə - İqroMir – 2012-də nümayiş olunacaq.

Sərgidə qoyulan stenddə qeyd edilir ki, bu, çox sayda iştirakçının eyni zamanda rola girib online oynaya biləcəyi bir əyləncə vasitəsi olacaq: “Oyunçular eynilə real həyatda olduğu kimi rüşvət, satınalma, üstünə getmə kimi fəndlərlə özlərinin məqsədlərinə nail olmağa çalışacaqlar. Bütün korrupsiya sxemi, rüşvətxorlar, qurbanlar maksimal dərəcədə real həyata yaxınlaşdırılıb.

Məsələn, əvvəldə oyunçular həkimi, dövlət yol polisi işçiləri kimi personajlarla üz-üzə gətirilir, bu kimi məişət səviyyəli korrupsiya oyununda bacarıqlarını sınayırlar. Sonrakı mərhələlərdə isə vəziyyət mürəkkəbləşdirilir. Burada oyunçular, məsələn, deputat kürsüsü uğrunda mübarizə aparmalı, başqa korrupsionerlərlə birlikdə özünün şəbəkəsini yaratmalı olur. Onlar zənginləşmək və hakimiyyəti ələ almaq üçün öz komandalarını genişləndirməli olurlar.”

Müəlliflər Rusiya mediasına bildiriblər ki, buna bənzər kompyuter oyunu nə xarici ölkələrdə, nə də Rusiyada hələ ki, yoxdur.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG