Myanmar prezidenti müxalifət liderinin rolunu yüksək qiymətləndirib

Myanmar prezidenti Thein Sein BMT-nin Baş Assambleyasının sesiyasında çıxış edərkən müxalifət lideri Aung San Suu Kyinin ölkənin demokratikləşdməsində rolunu yüksək qiymətləndirib.

Bir neçə il bundan əvvəl ölkədəki hərbi hakimiyyətə Then Sein rəhbərlik edirdi və onda Aung San Suu Kyi ev dustağı idi.

Amma ölkə rəhbərliyi son illər ölkədə siyasi və iqtisadi islahatlara başladı və hərbçilər hakimiyyəti mülki hökumətə verdi.

Və sonda müxalifət lideri Aung San Suu Kyi deputat seçildi.

ABŞ buna görə Myanmara qarşı tətbiq etdiyi bir sıra sanksiyaları aradan qaldırıb.