ABŞ dövlət katibi Hillary Clinton bildirib ki, Amerika Myanmaya qarşı olan iqtisadi sanksiyaları zəiflədəcək.
Myanma prezidenti Thein Sein ilə danışıqlarında Clinton bildirib ki, Myanmadan olan malların idxalına olan qadağa ləğv olunacaq. Bunu həm Myanma hakimiyyəti, həm də müxalifət istəyirdi.
Thein Sein hakimiyyətə keçən il ümummilli seçkilərdən sonra gəlib. Bundan sonra liberal islahatlara başlayıb. Bəzi siyasi məhbusları azad edib, kütləvi informasiya vasitələrinə olan məhdudiyyətləri aradan qaldırıb. Siyasi məhbus, Nobel mükafatı laureatı Aun San Su azad olunub və parlament seçkilərində qalib gəlib.