Sentyabrın 21-də İran özünün yeni havadan müdafiə sistemlərini nümayiş etdirib. Tehran rəsmiləri yeni sistemin ABŞ-ın hücum təyyarələrinə qarşı hazırladıqlarını iddia edirlər.
Raad adı verilən yeni sistem bu gün Tehranda İran-İraq müharibəsinin başlanmasının ildönümü münasibətilə keçirilən hərbi paradda nümayiş etdirilib.
İranın İnqilab Keşikçiləri Qvardiyasının hərbi hava qüvvələrinin rəhbəri, general Ami Ali Hajizadeh bildirib ki, Raad`ın raketləri 50 kilometr məsafədə hədəfləri məhv edir və bu sistem yalnız ABŞ hərbi təyyarələrinə qarşı hazırlanıb.