Fərid Hüseynlə Şəhriyar Hacızadə sabah Bakıya gəlir

İranda həbsdən azad edilmiş gənc azərbaycanlı şairlər Fərid Hüseynlə Şəhriyar Hacızadə sabah Bakıya gələcəklər.

Bu barədə APA-ya onlardan biri – hazırda İmişli rayonunda olan Şəhriyar Hacızadə məlumat verib.

O, deyib ki, Fərid Hüseynlə birlikdə Bakıda həkim müayinəsindən keçəcək və bunu dövlət təşkil etdib.

Şairlər, həmçinin Xarici İşlər Nazirliyində olacaq, Bakıda mətbuat konfransı keçirəcəklər.

Fərid Hüseyn hazırda Kürdəmirdə, Şəhriyar Hacızadə isə İmişlidədir.