Keçid linkləri

2024, 28 Mart, Cümə axşamı, Bakı vaxtı 21:11

Bakıda polis bölməsinə basqın olduğu deyilir


Arxiv foto
Arxiv foto
Bakıda polis bölməsinə basqın olduğu deyilir. Bu barədə APA-ya Binəqədi Rayon Polis İdarəsindən məlumat verilib.

Hadisə ötən gecə qeydə alınıb. Bildirilir ki, sərxoş vəziyyətdə olan naməlum şəxs əlində bıçaqla Binəqədi Rayon Polis İdarəsinin 5-ci polis bölməsinə gələrək növbədə olan polis əməkdaşlarını hədələyib. Məlumata görə, sərxoş şəxs onun əlindən bıçağı almaq istəyən iki polis əməkdaşına xəsarət yetirib. Nəticədə polis zabitləri Seyfəddin AğayevTural İbrahimov xəsarət alıb. Sonda sərxoş şəxs zərərsizləşdirilib və həbs edilib.

Araşdırmalar zamanı polisə hücum edən şəxsin Bakı şəhər sakini, 1976-cı il təvəllüdlü Zaur Ələkbər oğlu Məmmədov olduğu müəyyənləşib. O, xalası oğlunun həbsinə etiraz olaraq bu addımı atdığını bildirib.

Faktla bağlı Binəqədi Rayon Prokurorluğu tərəfindən cinayət işi başlanıb, istintaq gedir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG